كلُّ بليغٍ فصيح وليس العكس كذلك، هكذا قال المعلّم. على سيرة البلاغة، إنه كيف هيك في ناس تبارك الرحمن بكلمتين بتقدر تعبّر تعبير بيكفّي ويوفّي عن مشاعر جبّارة قهّارة، إنه هدول العالم أديش كانوا متألّمين ومرهفين وواصلة الأحاسيس معن لذروتها ليعبّروا تعبير حارق خارق يضل من بعدن إيام وسنين. على فكرة مو قصدي قصيدة ولا […]
أحلى شي بالحرم إنّك إذا ملتزم الصمت ما بسهولة بتحزر جنسيّة اللي قدّام عينك، إذا بدّك تتهنا بصلاتك وقرائتك ودعائك لاقيلك شي جالية من اللي مستحيل تفهم عليهن أو يفهموا عليك مشان ما تقطع تفكيرك بِوَلا سيرة من إياهم. = الله ربي، ليش في بالحرم سِيَر من اللي إياهم؟ _ الحرم في بقسم السيدات أماكن
كان يا ما كان، ليس في سالف الأزمان، من شي تلات أربع سنين، انعزمت عالعشا على سوشي البعيد عن اللي بيحبّوا شكله بس ما بيحبّو طعمه، كحالة الحبّ السائدة تمامًا آخر كذا سنة بحياتنا.🍣 انعزمت، مُكرهًا أخاك لا بطل على نيّة بلكي بغيّر نظرتي تجاهه بإنّه هوّ أكلة للنظر مو للشبع ولا للدّوق حتّى، كمان
على بالي.. ﻛﺎﺳﺔ ﺷﺎﻱ.. صغيرة.. وحلوة.. يا ﺍﻟﻠﻪ ﺷﻮ حلوة.. حلوة كتير.. كأنّيها قَطْر.. ورغيف دافي.. يا الله شو دافي.. ﻟﺴﺎ ﻫﻸ طالع ﻣﻦ الفرن.. وﺟﺒﻨﺔ ﺧﻀﺮة.. طيبة.. يا الله شو طيبة.. طيبة كتير.. نفطر سوا.. كلنا سوا.. بالبلد.. بقلب البلد.. ﻣﻊ ﻋﻤﻮ ﻳﻮﺳﻒ.. الله كريم.. الله الكريم.. يارب.. تعب الشوق.. يارب.. احفظ أرحامنا بعينك
صرلنا عهالحال سنين، ما بتعرفنا نازلين، ما بتعرفنا طالعين. يمكن واقفين! عحيّا الله حفّة بهالعمر.. عم نستنّى الهدايا. المهم إنّه كان إلنا ظِلْ، والأهم، إنّه مع بعض نْضَلْ.
وإيّام هالعمر عم يشبه شي ما عدت أتذكر منه إلا خيالات مو أكتر، عم يشبه إيام عصر الحصرم لتموينه ببلادنا. الحصرم إله حكاية بتوجع قلبي، كنا لما ننزل عالبلد بموسم المونة نشوف العيلة الكبيرة كيف يمونوه ويعصروه بالساعات ونتحمس معن ونحن عم نساعد، يضحكوا علينا القرايبين إنه كيف طاير عقلنا بالتعب وإنه كيف اللي بيتعبن
ما بعرف كيف مر هالعمر هيك متل شربة المي وطلع عن جد: “عضّة كوساية”. لهلأ بتذكّر أوّل مرة سمعت هالوصف: “عضّة كوساية” وكيف ما قدرت أستوعبه لبعدما شرحولي اللي بيشرحوا. أديش بنبهر وبتسائل: إنه شعبنا من وين بيجيب هالأوصاف الخُلّبية وكيف بيخلّد الأمثال؟ ما بعرف لهلأ ولا شكلي حعرف شو يعني “خُلّبي” بس أكيد شي
الصبح اللي بيبلّش بدمعة بيبلشنا معه، مدري مننبلش فيه. نفس الشي مو؟ ليش الدمعة؟ ما بعرف. لمين الحنين؟ أكيد بعرف. مشتاقة للأماكن اللي ما بقى أزورا بحياتي حتى لو حبيت، مشتاقة للبلد اللي ما عرفتا وما لحقت أتعرف عليها، مشتاقة لستّي اللي ما شافت اللي شفناه أو يمكن أنا اللي هيك مفكرة ونحن اللي ما
كنّا بالعاشر لمّا عجبتنا قصّة إنه نعمل لقاءات صحفيّة مع معلماتنا، كانت تستهوينا فكرة إنّه نكركب المعلّمة بأسئلة مفاجئة ما لا داعي لا عالبال ولا عالخاطر ونسألا ياها، الحمدلله دار الزمن ودارت علينا الدواير غير شكل وفهمكم كفاية. بيوم من الإيام كانت المناوبة بالفسحة على أبلة ماجدة خضر الله يسعد قلبا وين ما كانت تكون،
“ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ”. سورة الحج. بكرة أو بعده عيد.. بكرة فرح.. بكرة هدية من الرحمن.. الأصل نتأدّب مع هدايا اللطيف ونحترم النّعم.. بتعرفوا ولا ما بتعرفوا؟ شكل الإمهات هنّ وبس اللي بيعرفوا! بتعرفوا إنه في عالم بتفكّر حالها من جماعة حامل المسك وهيّ من جماعة نافخ الكير للأسف! بتعرفوا
