أم

بتعرفي شو؟
أنا بحب صبحي لمّا يركض لعند صبحك ويحكيلك: صباح الخير.
أنا لسا ما بعرف إنت وردة مين من بين كلّ البذور يلي إلن زرعت، بس بدّي أقلّك إنك بنت قلبي، إنّك سلامي، وإنّي متلك، مخبية البراعم تخباية بين العينين وتحت الإيدين وعم أدعي صبح وعشية: وتولنا فيمن تولّيت.
بتعرفي شو؟
أنا متلك بخاف، بخاف كتير. لمّا تحمى الشمس بغمّض من بعد تفتيح، يمكن خوف بعد خوف بتصير البتلات قوية وما بيعود بيخوّفها اللهيب بشي.
بتعرفي شو؟
آخر شو، شكلك إم، إم حلوة، كتير حلوة، حلوة كتير.