الحب دعاء

بالفترة الأخيرة زارني شعور غريب، غريب كتير، بس حلو ودافي، دافي كتير.
ما بعرف إيمتى.. ولا كيف ولا شلون خطر لي إنّه أصير أدعي للحدا اللي هوّ قدري بالحياة من قبل ما نلتقي، هاد الشعور سابق لأوانه، بس أنا حبيته، حبيته من قلب، حسّيت إنّه الحبّ شي أكبر من إنّه أحبّك بعدما نتلاقا، ولاّ بعد ما أتعرّف عليك، أنا بحبّك لأنّك قدري اللي مخبّا بلطف الرحمن، بحبّك من وقت ما ربنا قال: “كُن”، وبحبّك على قدّ ما متحمّسة عالخناقات اللي بشوفها بين الأحباب واللي حتصير بيننا حتى لو كان هالحب بيسع المجرّة، بحبّك من قبل ما أحبّك.
من قلبي هالإيام حابّة سلام فكرة إنّه: “الحب دعاء”، و مشان هيك حدعيلك الله يحنّ على قلبي وعلى قلبك ويوسّع رزقي ورزقك لوقتما تجمعنا سوا بقدرة قادر كلمة: “فيكون”..
تصبح على حب.. لكلّ مين عم يسأل حاله يا ترى إيمتى وكيف..
“الله كريم”..