يا ريت

يا ريت يا علاء، يا ريت..
قمر تجيب الدربكّة، وتوسعنا مرجوحة الشيفونية كمان مرة بهالعمر، بس مرة..
ويا ريتنا نغنّي سوا: “ألف بي بوباية” من هلأ ليجهجه الضو.
يا ريت نضحك من قلب لأنه انقطعت الكهربا، نضحك لأنه الكبار ما عم يقدروا يخلونا ننام، نضحك لأنه الخبز ما عم يهدّي بكياسه والمربّى مدري شو اللي عم يخلصه من مطرباناته، أبصر.
يا ريت يا علاء، نصغرلنا شي شوي، شي عشرطعشر سنة، نتبكبك شوي، نتذكّر كيف كنّا نضحك شوي، ونقول للزمان: سقى الله يا زمان.
💔