وإيام

وإيام من الإيام اللي ما بتشبه الإيام بيجي عبالك تتدروش تكة انت يلّي ما بتلبقلك الدروشة وبتقول لحالك: عن جد اللي عم يكتب بهالقلم من هالقلب هالأد إنسان؟
مجرد إنسان! إنسان ما بيخوّف مع إنّه ما منعرف عنه شي، وما حنخاف طالما ما إله عنّا شي، ومادام عم يحاول يساهم بشي، فحقه علينا: الخلق الحسن.
كل شي وارد، يمكن هالحكي صح، بس كمان يمكن مو صح.
العوالم الافتراضية بتعكس جزء يسير من وجدان البشر مو أكتر.
خلف الكواليس في تتمة لكتير حيوات، ما دائمًا حنفهم مين اللي عم يكتب من ورا الشاشات، وما حدا فينا بيجزم تمامًا شو اللي مخبّى بهالبال.
خلينا نتذكّر دايمًا أوّل درس علّمنا ياه الإستاذ: صحصح يا فلان، حاول ما تنجرف يا علّان، “اللي ما عنده خطة فهوّ عالأغلب من ضمن خطط الآخرين”، وهالشي بالتأكيد.. ما في راشد بيقبله عحاله وما في لبيب بيتمنّاه.